魷魚遊戲

30/09/2021 陰☁️


呢個星期好多野做呀!!!連手機都唔想睇,其實好擔心又會俾人鬧。。。不過我都用左兩日時間睇曬全套魷魚遊戲,哈哈。。。我原本只係諗住睇半齣當送飯,點知上左癮!


我今日想分享呢齣劇因為佢雖然好緊湊好恐怖好慘烈,但係不自覺地我又會不停咁睇,好想知道佢下一步想點,唔會好似大台咁可以做埋編劇,估到曬啲劇情。呢齣戲講好多人性嘅問題,每個參賽者連朋友、親人,甚至乎摯愛都可以出賣,當然啦,呢啲事係呢個世界梗係唔可能發生啦,除非政府都暗地裏批准進行啦。雖然呢齣係唔係真唔駛咁認真嘅,但係我都想知道點解錢同尊嚴比起生命更加重要,同埋個大佬點解想令自己開心,勾起童年回憶要殺人,都冇解釋清楚,淘汰唔一定要殺人架嘛。仲有一樣野,其實都好明顯最後一個人先可以賺曬啲錢走人啦,仲點解需要搵同伴,仲話要一齊走,好似有少少天真。點都好啦,如果係我,知道吊橋過到去只有三萬幾分之一嘅機會,仲要折磨六日嘅,我寧願死左去算。到最後主角冇用啲錢,我覺得係因為佢認為每一百萬都代表住一個人嘅生命,能夠走翻出黎,個心都會難以承受。

1 次查看1 則留言

最新文章

查看全部

27/12/2021 晴 Dear 曉慧 今日同你傾電話,聽到啲咁嘅嘢,我覺得好擔心又好開心,一來因為一直以來你好嚮往嘅事,你以後未必可以做到,

31/10/2021 狂風暴雨⛈️⚡️ 我都有一段長時間唔去諗呢個人,我尋日仲同朋友去Wonderland 玩,應該夜晚訓得好安然,但點知我三點去訓,七點就發惡夢醒左,仲要夢到佢唔知乜嘢原因渣佢架Tiguan Volkswagen 黎接我同個朋友,之後係架車我仲要見到佢隔離坐左個勁樣衰嘅藍色風褸男人攞住個小學雞行山背囊俾佢攞野,我真係唔知前世做錯啲乜嘢,我即刻雙眼合實,過一

半個鐘頭前,我部舊款電話終於滿storage,聽日又要出長途,打算store 咁啲去external hard disk,點知loop 緊影片嘅時候,loop 翻以前上一個女朋友係屋企嘅生活影片,我唔知點解我會有咁嘅勇氣,平時我就算睇相都唔敢,今次我以為可以踏出呢一步,但係原來都係唔得。以前嘅我,肯定將所有相鏟曬佢,但今次我真係對呢份感情唔知點解咁深刻,唔敢望啲相但係冇勇氣鏟曬佢,我覺得我真係可以