27/12/2021 晴
Dear 曉慧
今日同你傾電話，聽到啲咁嘅嘢，我覺得好擔心又好開心，一來因為一直以來你好嚮往嘅事，你以後未必可以做到，但係冇諗過妳會同我share 你呢件事，覺得你都係信任我嘅～
香港同加拿大相隔成個太平洋，我地都竟然可以keep 到contact，大家都有心維繫呢段關係，我都覺得好難以置信，我都好想返黎搵你食餐飯，但係無奈真係冇辦法，希望我地可以多啲contact 傾下計，睇下戲，發掘多啲話題啦！
講下我呢排嘅生活啦，我錄歌struggle左好耐，都唔知點算。而我諗我真係可以放低之前段感情，因為17號佢生日我居然可以忍到手唔搵佢，唔講生日快樂，我諗好快我就真係可以move on 啦～～
我地影多啲相share 俾大家睇啦，update 下啲近況咁，我完左個 Montreal trip 會陸續係呢度俾你睇下加拿大嘅風景，希望你盡快過黎陪下我啦，我係呢度都其實好悶架。
尋日下午開始有8號風球，大家都一直因為上次的獅子山指責天文台，果然天文台真係俾返日假大家，其實真係人為控制所有嘢定點呢。anyway其實我唔鍾意打風，唔想樹冧，亦辛苦善後工作人員，但都感恩多咗日假嘅，都幾充實。 早餐爸爸煮咗炒蛋腸仔，晏晝有一饅頭（伯爵茶、綠茶、焙茶味），又有燒賣食，夜晚有滷水雞髀同蒸水蛋，正！ 同屋企人一齊食飯特別開心。 朝早睇咗套戲，跟著睇關於書嘅片，反思完再寫返，仲有寫日記同
我所講嘅「多謝」係多謝你為我哋關係嘅維繫作出第一步！我都要努力，我哋會勝過距離。上次玩跑online好好笑，你同我都第一次去到Dr.Hell終點，哈哈。最近我都係睇書同埋諗嘢多，慢慢變到喺同人相處嘅時候都會諗到書入面領悟嘅嘢，越嚟越發現，思考令我了解人哋嘅同時亦明白自己多咗，有種豁然開朗嘅感覺：） 知道你最近因為學業好忙，俾心機之餘都記得俾自己身心休息下～
二零二一年十月六號 晴☀️ 曉慧，冇諗過我地會一齊玩日記，轉眼間就已經離開左一個月，由一開始唔捨得要離開，到依家我覺得需要學習嘅係習慣適應每一個環境，因為唔捨得唔會帶黎動力，只會帶黎向前行嘅阻力，但亦唔代表我要放棄香港嘅所有人同事，而係要無論身處係邊度，都要諗方法維繫關係，為下一次見面做好預備工作，而呢一個“Tiffany Corner” 正正就係我想同曉慧
