2021翻到加拿大第一個日記

27/09/2021 晴☀️


每次唔知點解都要隔咁耐先有心機寫日記,對上一次應該都有差唔多半年。。。


今次翻到黎加拿大都已經三個星期,本來第一日就下定決心開始每日寫,但係都係無疾而終,唔知點解日日都咁鬼死忙,我諗今日開始每次都寫少少,每日寫嘅動力都可以提高啲啦~


其實今次四月翻香港果陣,我都好忐忑,本來唔係真係好想翻,因為翻到黎都好似冇乜嘢可以做,香港嘅朋友走得一個得一個,諗住翻完個“煙腸” 就即刻暴走翻加拿大,點知識左一班好朋友,都唔只係一班架啦,多得屋企人叫我打疫苗,先可以阻止到我七月翻去。係嘅。。。識左班朋友係確實好鬼死開心,不過就好似熟左冇幾耐依家就要走,所以心情更加反覆,當然啦,屋企人都會好miss 嘅。所以好希望可以繼續維繫到彼此之間嘅關係啦。


“人生係總要面對多次嘅離別,尤其是一班到處飄泊嘅留學生,一年總是面對至少一兩次。儘管這種感覺變得熟識了,但係每次心裡都會赤赤嘅痛,上飛機前的那個夜晚總會感覺到莫名其妙的恐懼。”

點都好啦,都已經翻到黎,我一定要解決曬面前嘅難關,從新開始向住自己嘅目標進發!!!

7 views0 comments

Recent Posts

See All

31/10/2021 狂風暴雨⛈️⚡️ 我都有一段長時間唔去諗呢個人,我尋日仲同朋友去Wonderland 玩,應該夜晚訓得好安然,但點知我三點去訓,七點就發惡夢醒左,仲要夢到佢唔知乜嘢原因渣佢架Tiguan Volkswagen 黎接我同個朋友,之後係架車我仲要見到佢隔離坐左個勁樣衰嘅藍色風褸男人攞住個小學雞行山背囊俾佢攞野,我真係唔知前世做錯啲乜嘢,我即刻雙眼合實,過一

半個鐘頭前,我部舊款電話終於滿storage,聽日又要出長途,打算store 咁啲去external hard disk,點知loop 緊影片嘅時候,loop 翻以前上一個女朋友係屋企嘅生活影片,我唔知點解我會有咁嘅勇氣,平時我就算睇相都唔敢,今次我以為可以踏出呢一步,但係原來都係唔得。以前嘅我,肯定將所有相鏟曬佢,但今次我真係對呢份感情唔知點解咁深刻,唔敢望啲相但係冇勇氣鏟曬佢,我覺得我真係可以

20/04/2021 陰☁️ 今天是在香港酒店隔離的第七天。在過往的七天,沒有一頓飯我是能吃飽的,每天都是挨著餓過日子。今天,終於把這學期的學業完成了,可以安心做我一直沒時間做的事情,包括寫歌、寫日記、寫食譜、更新網站、回覆一下訊息(要跟這些朋友講聲抱歉),以及最重要的要幫助一個很重要的朋友破解一宗案件,我相信這是一個不可能的任務,因為案件發生的時間已經是超過一年前,我更加不知道我的下一步該怎麼辦